Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

RM260 riong pinosodia montok popiagal gatang kakamot Sabah om Sarawak

musa 2
KOTA KINABALU: Soginumu RM260 riong pinosodia montok popiagal ‘Ababayan 1Gatang 1Kakamot montok Sabah om Sarawak do monguhup mogigion maganu gatang id kopotutan.

Montiri Kotundaan Mogigion om Ahal Momoguno Datuk Jainab Ahmad minoboros do kopiagalan dilo pinapanau kopiagal kopoilaan do ababayan dilo id suang bajet 2016 di kawawagu.

“Montok papanau impohon diti, porinta mongunsub om potilombus porojik ih haro mantad miampai kakamot ih haro kopiagalan do gatang.

“Kakamot dilo nopo nga kosuang nogi gatang do wagas ST15%, topung gandum, tumau pogonsok, gula pasir, gas mogonsok LPG, Petrol RON 95 om Diesel,” ka disio.

Minoboros isido miagal dilo id ababayan Tadau Momoguno Nayatan Pogun Sabah 2015, ih pinoimagon di Boyoon Montiri Datuk Seri Musa Aman, id Wisma Wanita, do hiti.

Minoboros ih Jainab do ababayan dilo kituduan mongingkuri sinodu pisuaian gatang id tanga kinoyonon ponongsokod om kakadaian montok mogintong kopio kakamot kisubsidi korikot kumaa momoguno om kakamot aanu id gatang aantaban. – Dii Dewiana Tinggolongon / sayangsabah.

Komen


Berita Berkaitan