Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

RM20 riong pinosodia montok popoingkawas koburuon pomirangkatan do sada LKIM

LKIM labuan 05
LABUAN – Soginumu RM20 riong poruntukan pinosodia montok popoingkawas koburuon id jeti pomirangkatan do sada Lembaga Kotundaan Sada Malaysia (LKIM), Labuan.

Kousinan dilo nopo nga sombohogian mantad turu inisiatif om porojik ih pinoumum do Luguan Montiri Datuk Seri Najib Tun Razak montok popotunda Labuan.

Potunud LKIM Labuan Dzulkifli Mad Ali minoboros do Labuan kitaangayan do silihon longod kaganaan ponginsadaan tuna pogun nga mositi sokodungon miampai komudahan om kosukupsukupan dit tosonong.

“Iti pokitanan tosonong kumaa kotundaan ponginsadaan. Poruntukan diti kaanu mongukab do ralan popoimbulai kakadaian monginsada Labuan om mamagampot rikoton do porinta poposiliu Labuan sabagi longkod tuna montok pogun diti,” ka disio kumaa Bernama.

Tumanud di Dzulkifli, piro piro pamalanan kotundaan id Labuan numaan posodiao.

Kotundaan dilo kapaampai kinoyonon soginayo 20 ikar montok kompleks kawawagu LKIM, kilang ais, limbungan, tapak porusahaan tokoro om osuhatan, pasar, tupis om kadai makan. – BERNAMA

Komen


Berita Berkaitan