Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

RM2.9 billion balanja balajaran 35,000 susumikul

pelajar cemerlang-petronas

KOTA KINABALU – Mantad toun 1974 gisom baino, lobi 35,000 susumikul poimpuli pogun nakaanu kosuulan mantad ababayan balanja balajaran Petronas soginumu toinsanan RM2.9 bilion.

Naib Porosidin Wanan Upstream Malaysia Petronas, Datuk M. Anuar Taib minoboros do kumponi dilo tumilombus mimparagat papanau pingisaman popotunda modal insan miampai patahak sakadai balanja balajaran kumaa susumikul di alayak.

“Ababayan balanja balajaran Petronas nopo nga pingisman tagayo kumponi diti montok monulung kotundaan modal insan di osonong id Malaysia, suai ko manahak sakadai pinsingilaan komilaan om tiknikal,” ka disio.

Minoboros isido miagal dilo soira minanahak boboroson id ababayan panahakan Anugerah Penajaan Pendidikan Petronas kumaa 214 susumikul ih pinotimpuun di Kumoduo Boyoon Montiri Tan Sri Joseph Pairin Kitingan.

Tumanud di Anuar, kopuriman kosuulan kukumaraja di kitoilaan, om profesional, tinimungan komulakan id Sabah nga haro kosiwatan mongoput balajaran id Universiti Teknologi Petronas om universiti nointutunan id suang om labus pogun id siriba balanja balajaran dilo.

“Alansan oku susumikul kaanu gumuli id Sabah montok popoingkawas kotonudan tanganak kinoyonon om potilombus monuang kumaa kotundaan pomorunan tumau om gas id pogun diti,” ka disio. – Dii Sitti Nor Azizah Talata / SayangSabah

Komen


Berita Berkaitan