Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

RM2.543 billion montok kotundaan pogun Sabah

Musa Aman (tanga) ponorikohon Kounsil Mitingan Tindakan Pogun (MTNg) Sabah id Wisma Innporise, hiti di konihab.
Musa Aman (tanga) ponorikohon Kounsil Mitingan Tindakan Pogun (MTNg) Sabah id Wisma Innporise, hiti di konihab.

KOTA KINABALU – Porinta pogun minoposoliwan balanja soginumu RM2.543 bilion toi ko 76.10 pihatus mantad poruntukan toun 2014 montok porojik kotundaan id Sabah.

Boyoon Montiri, Datuk Seri Musa Aman minoboros do, ningkokoton dilo nopo nga 14 pihatus lobi akawas piagalon purata nasional soginumu 62.04 pihatus.

“Noilaan tokou kinalantaian diti, mantad boboroson toniba Koupisan Kotundaan Pisompuruan Pogun Sabah (SDO) om tumanud Sistom Pamantauan Porojik II (SPPII) gisom tadau ko-31 tulan Kohopod om Duo toun 2014,” ka disio.

Minoboros isido miagal dilo soira minonorikohon mitingan Kounsil Mitingan Tindakan Pogun (MTNg) Sabah id Wisma Innporise, hiti di konihab.

Id mitingan dilo, ka di Musa, Bajet Pogun Malaysia 2015 nopo nga bajet miadang om monumpuan kosuulan do rayat miampai poimponu kosuang nogi kukumaraja porinta, kopiagal do tulu “Ekonomi Keperluan Rakyat”.

Ka disio, Bajet 2015 minopokito pingisaman do porinta maya kotundaan ikonomi kapital i nakaanu minanahak kosuulan om ponginsanangan kumaa ikonomi rayat.

Suai koi lo, ka disio pingisaman do porinta popointutun sistom sukai kakamot om porkhidmatan (GST) apatut sokodungon toinsanan puru sabap kopoindalanan do GST diti tadau ko-1 tulan Kaapat kikotumbayaan kaanu popoingkawas asil pandapatan pogun montok popotunda pogun diti. – Dii Sitti Nor Azizah Talata / SayangSabah.

Komen


Berita Berkaitan