Sayang Sabah Facebook

Likes
Sayang Sabah Twitter

11,795

Followers

Sayang Sabah - Portal Berita Negeri Kita

RM160 riong pinosodia MasWings montok subsidi podtuludan mogigion ponongsokid

4:49pm 10/02/2016 Maryann 0 views Abal Kinoyonon,Kinoyonon,Kota Kinabalu

tun
KOTA KINABALU: Soginumu RM160 riong poruntukan subsidi podtuludan patahakon do porinta kumaa MasWings montok podtuludan dilo ih kapaampai wayaan di amu otoliban do kumponi do suai id Sabah om Sarawak sabaagi laang mongingkuri balanja id wayaan nopili.

Porosidin MCA ih ponogi Montiri Padsakaian Datuk Seri Liow Tiong Lai minoboros do laang dilo nopo nga sabaagi iso impohon montok monguhup mogigion ponongsokid id koduo-duo pogun dilo montok maganu podtuludan di lobi omurah montok mongoi id kinoyonon kakadaian.

“Porinta longkod nakasaga noh do papanaru kontrak miampai Maswing montok tuduan diti sabap kontrak solinaid turu toun di nosoinan pogulu diti opupusan toun abantalan,” ka disio.

Minoboros isido miagal dilo kumaa maganu habar id ababayan walai poingukab Toun Wagu Sina pinaanjur do MCA id Dewan Serbagunan Sekolah Tinggi Kota Kinabalu, do hiti di konihab.

Tumanud di Liow, mimpuun toun diti, ponoriukan kawagu kumaa 49 podtuludan id koduo-duo pogun dilo sorisidon kawagu montok mongiwagu do kontrak nokomoi toun abantalan.

“Oilaan tokou do sombohogian kinoyonon id koduo-duo pogun dilo amu aanu orikot do korita sabap dilo, asansagan momoguno kapal tarabang om gunaon tokou Maswing montok monguhup diolo sabap tambang di omura,” ka disio.

Nokotindapou id ababayan dilo Yang di-Pertua Pogun Sabah, Tun Datuk Seri Panglima Dr. Haji Juhar Haji Mahiruddin, Boyoon Montiri Sabah Datuk Seri Panglima Musa Haji Aman om momuruan ngawi suai. – Dii Leolerry Lajius/Sayang Sabah

Apa Komen dan Pendapat Anda

Artikel Berkaitan