Sayang Sabah Facebook

Likes
Sayang Sabah Twitter

11,787

Followers

Sayang Sabah - Portal Berita Negeri Kita

RM1.56 bilion montok kotundaan labus kakadaian Sabah toun diti: Ismail Sabri

11:46pm 01/02/2016 Maryann 4 views Abal Kinoyonon,Berita Pilihan,Kinoyonon,Kota Kinabalu

ISMAIL SABRI
KOTA MARUDU: Porinta longkod minapatahak RM1.56 bilion montok potunda kinoyonon labus kakadaian id Sabah toun diti, ka di Montiri Kotundaan Labus Kakadaian om Wilayah Datuk Seri Ismail Sabri Yaakob.

Tumanud disio, kousinan dilo nopo nga 28.8 pihatus mantad ginumu toinsanan RM5.45 bilion kousinan kotundaan pinosodia porinta longkod maya komontirian dau montok popotunda kinoyonon labus kakadaian poimpuli Malaysia.

Ka disio, kousinan soginumu dilo popokito porinta longkod miming osianan om opusou nunu nopo koporluan do kotundaan mogigion id Sabah kosuang mogigion id labus kakadaian om iti potilombus popokito dawaan puru susumaap do amu doti opusou o porinta longkod kumaa pogun diti nopo nga amu otopot.

Minoboros isido miagal dilo soira minanahak boboroson id Ababayan Momuruan Miampai Rayat id Walai Tanaru Kampung Tinangol do hiti di baino.

Nokotindapou nogi ih Kumoduo Montiri dau Datuk Alexander Nanta Linggi.

Moboros kumaa maganu habar kalapas dilo, ka dii Ismail Sabri, poruntukan soginumu RM1.56 bilion montok Sabah diti kosuang toinsanan kotundaan labus kakadaian miagal waig oborisi, talun alun, lotirik om pamansaian walai Porojik Pomuwalaian Rayat Mosikin (PPRT) om porojik kotundaan ikonomi labus kakadaian. – BERNAMA

Apa Komen dan Pendapat Anda

Artikel Berkaitan