Sayang Sabah Facebook

Likes
Sayang Sabah Twitter

11,655

Followers

Sayang Sabah - Portal Berita Negeri Kita

Risda posodia’ monguhup momumukabun tokoro’ gata’

11:45pm 01/12/2015 Maryann 0 views Abal Kinoyonon,Keningau,Kinoyonon

NABAWAN: Bohogian Kikuasa’ Komogoton Momumukabun Tokoro’ Porusahaan Gata’ (RISDA) posodia’ manahak ponguhupan kumaa tongo’ momumukabun sorokoro’-koro’ miampai aiso’ kabayar.

Mongunguhup Upisor Risda Watas Keningau i Norihan @ Azhan Mat, minoboros ponguhupan nopo dilo’ nga’ amu’ nuru’ om bayaran kawagu toi pogulion.

Pinointalang disio do angkab koporintaan maya’ do kotinanan dau nopo nga’ manahak ponguhupan mooi do tongo’ momumukabun tokoro’ kaanu tumunda’ om mongingkawas ikonomi diolo’.

Poingkuro po ka disio, sasabab no do Risda nopo nga’ songinan kotinanan koporintaan Pisompuruan, ponguhupan dilo’ amu’ aanu papatahak kumaa momumukabun tokoro’ i aiso’ kopotutan sondiri’ do tana’.

“Iti nopo nga’ sabab no do tana’ i aiso’ po kinosongonuan nopo nga’ pasanganu do koporintaan pogun,” ka disio id kopointalangan tanom kawagu gata’ doid Kampung Salinatan di tadau Koduo katatalib.

Minoboros isio do momumukabun tokoro’ kotoguang do korugian om ponguhupan Risda aiso’ kotutukon nung haro no kobolingkahangan kopohompit kopotutan kosongonuan tana’ do timpu dumontol. – Kalawon Sawing/Sayangsabah.

Apa Komen dan Pendapat Anda

Artikel Berkaitan