Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Rinayou di Musa pingisaman sikul misosondiri monuridong longkod balajaran tangaanak

 Musa Aman (tolu mantad wanan) mamaso minongukab walai pantadbiran Tadika Pea Wha, Batu 12, Jalan Labuk Sandakan. – foto JKM

Musa Aman (tolu mantad wanan) mamaso minongukab walai pantadbiran Tadika Pea Wha, Batu 12, Jalan Labuk Sandakan. – foto JKM

SANDAKAN – Opurimanan do porinta pogun kosuul kopio balajaran montok papalabus komulakan om sukod wagu di kitoilaan.

Boyoon Montiri Datuk Seri Musa Aman minoboros do asil kotundaan om kinomogoton id mogisuai suai siktor id pogun digi nakaanu minonguhup popoingkawas kopurimanan mogigion lolobi kopio komolohingan karait balajaran do tangaanak diolo.

“Suai ko pingisaman do porinta posodia kosukup sukupan om kousinan di togumu montok balajaran, isai isai nopo misosondiri toi ko kumponi di kamampu nga milo monguhup papalantok rikoton balajaran tangaanak toku,” ka disio.

Momboros isido miagal dilo soira minanahak boboroson id ababayan pongukaban Walai Pantadbiran Tadika Pea Wha om Pista Angpau 2015 id Batu 12 Jalan Labuk, Sandakan.

Nokotindapou nogi ih Ponorikohon Kotinanan Pongurusan Siul Jenis Kabansaan (C) Pea Wha om nogi puru komiti ababayan dilo.

Tadika nokomoi iso longkod balajaran di wononsoi mantad tusin di tinimung do komiti Kotinanan Pongurusan Sikul dilo.

Ka di Musa, mamaramit om mamamarayou o porinta pogun pingisaman do kotinanan dilo ih mingisom monimung kousinan momonsoi sikulan dilo. – Dii Sitti Nor Azizah Talata / SayangSabah

Komen


Berita Berkaitan