Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Rikoton posiliu Kakadaian Kundasang Koinsodu Rinomos

masidi-pekan-kundasang-600x399
RANAU: Mogisuai-suai pokimamahaan wonsoion montok mamagampot rikoton posiliu Kakadaian Kundasang Koinsodu Rinomos korikot toun 2017.

Montiri Kotombuluian, Koubasanan om Sandad Posorili Datuk Masidi Manjun lumansan pokimamahaan dilo kosiliu pomitanan kumaa watas ngawi suai id pogun diti montok poposiliu Sabah iso pogun di oborisi om olumis.

“Kounsikaan kumaa mogigion kakadaian Kundasang id mokimamaha minomonsoi ababayan Kundasang Oborisi om Olumis (KBI). Kundasang nopo nga wookon watas koiso i papanau pokimamahaan miagal diti.

“Kundasang nopo nga dotokou o sanganu om kiguno kopio tulun dotokou sondiri mintamong watas diti mooi giab kosingonuan dilo koimbulai om nogi mogigion Dusun ointutunan miampai kowowoyoon di oborisi,” ka disido ontok minopotimpuun KBI, doiti di kawawagu diti.

Ababayan diti nopo nga pokimamahaan mogigion Kundasang i binuruan di Japirin Suhaimin montok mongintong Kundasang osiliu iso kakadaian aiso rinomos korikot toun 2017.

Monuhu nogi i Masidi toinsanan mogigion Kundasang mooi kaanu manahak sokodung togirot kumaa ababayan dilo miampai amu pataam rinomos id pototongkop tampat.

“Soira watas dino oborisi, ilo kagayat lobi ginumu tutumombului om tumombului do h iti i momonu tampat ngawi pongindopuan dotokou miagal do restoran.

“Alansan oku nogi pokimamahaan diti osiliu pomitanan kumaa watas ngawi suai montok posiliu pogun dotokou iso pogun di oborisi om olumis,” ka disido.

Ontok po nogi dilo, sabaagi tanda sokodung om tonggungan sosial Nippon Paint Sdn. Bhd i nobian di Randel Ricky Sodomon, nakaanu manakadai cat kigatang RM12,000 montok manaat kawagu louting kadai Kundasang. Ino nopo nga wookon mantad balanja manaat toinsanan louting om wookon dino sinakadai do Komontirian Kotombuluian, Koubasanan om Sandad Posorili.

Sabaagi tanda sokodung kopogulu, pinoboros di i Masidi sakadai poimbida kiginumu RM10,000 kumaa Kundasang Oborisi om Olumis montok poposuni giab om monulung ponorinaan koisaan dilo. – SayangSabah

Komen


Berita Berkaitan