Sayang Sabah Facebook

Likes
Sayang Sabah Twitter

11,799

Followers

Sayang Sabah - Portal Berita Negeri Kita

Rayani Air potimpuun podtuludan kumaa Sabah, Sarawak

11:52pm 01/02/2016 Maryann 5 views Abal Kinoyonon,Berita Pilihan,Kinoyonon,Kota Kinabalu

RAYANI
KOTA KINABALU: Kumponi podtuludan tumanud syariah, Rayani Air Sdn Bhd, minongukab Ayaan podtuludan kumoinsan nogi mantad Kuala Lumpur kumaa Kota Kinabalu, tadau baino.

Podtuludan dilo nopo nga wayaan podtuludan kotolu kumponi dilo kalapas Kuala Lumpur-Langkawi om Kuala Lumpur-Kota Bharu.

Iso poh kawaguu wayaan, ilo nopo nga kumaapat mangan ukabo tadau baino kapaampai podtuludan mantad Kuala Lumpur kumaa Kuching, Sarawak.

Montiri Kotombuluian, Koubasanan om Ahal Posorili Datuk Masidi Manjun, minoboros do porinta pogun mamaramit tosonong korikatan podtuludan kawawagu kumaa Kota Kinabalu om toumbayaan kaanu manahak kosuulan kumaa koduo-duo puru.

“Montok mongobi porint apogun, podtuludan dilo pikikiro kaanu momoruhang ginumu tutumombului kinoyonon kumaa pogun diti lolobi kumaa Kota Kinabalu.

“Kotombuluian suang pogun nga wookon potoluod ikonomi pogun om otumbayaan oku kaanu ilo manampasi kowowoyoon ikonomi ih amu manantu id timpu diti,” ka disio.

Minoboros isido miagal dilo id ababayan korikatan podtuludan kumoinsan kapal Rayani Air kumaa Kota Kinabalu id Sosondoton Kapal Sompomogunan Kota Kinabalu (KKIA), do hiti di baino.

Nokotindapou nogi ih Kumoduo Montiri Kotombuluian, Koubasanan om Ahal Posorili Datuk Kamarlin Ombi; Pongurus Tagayo Lombaga Kotombuluian Sabah, Datuk Irene Benggon Charuruks om Boyoon Tupisor Eksekutif (CEO), Rayani Air Sdn Bhd, Ravi Alagendrran. – BH Online

Apa Komen dan Pendapat Anda

Artikel Berkaitan