Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

RAPAT 1M, mongingkuri ginumu kasalaan tawagat

12:36am 16/11/2015 Maryann 0 views Abal Kinoyonon,Kota Kinabalu

rapat 1m
KOTA KINABALU: Kopoindalanan Ababayan RAPAT 1M id 75 kinoyonon taman pomuwalaian poimpuli pogun diti nakaanu minongkuri ginumu kasalaan tawagat om minopoingkawas kotumbayaan koumoligan id tanga mogigion soginumu 99 pihatus.

Boyoonn Provos Marsyal Tinimungan Susumangod Malaysia Brig. Jeneral Abd Kadir Ahmad minoboros do ababayan diti nopo nga rondaan id kinoyonon pomuwalaian miampai ponguhupan do puru susumangod, pulis om tulun ginumuan montok madtamong koumoligan id kinoyonon rondaan.

“Rondaan toi ko pogintangan kotimpuun mantad jaam 12 kosuabon gisom jaam 6 kosuabon ih papaampai songulun puru susumangod, songulun pulis om tolu tulun ginumuan om notimpuunan mantad toun 2014 poh,” ka disio.

Tumanud disio, poompus toun diti soginumu onom siri RAPAT 1M ih mangan papanaho montok manahak kointalangan kumaa tulun ginumuan di kaampai diti rondaan id kinoyonon diolo.

Minoboros isido miagal dilo soira minanahak boboroson id ponutuban Bengkel Pengukuhan RAPAT 1M siri koduo kapaampai 30 tulun tutumanud id Hotel Grand Borneo.-Leolerry Lajius/Sayang Sabah

Apa Komen dan Pendapat Anda

Artikel Berkaitan