Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Rakyat Sarawak mositi monoinu kinalantaian susumaap: Salleh

11:24pm 04/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu,Pulitik

salleh-600x4501-600x450-600x450
KUCHING: Rakyat Sarawak mositi kopuriman katapatan kinalantaian amu osonong lalansanon rayat susumaap i amu nakaanu momonu kalansanan do rayat om id sambalik dilo apandai noh mimboros, ka di Montiri Piromutan om Multimedia, Datuk Seri Dr Salleh Said Keruak.

Sabap dilo, unsubon disio pongundi ngawi Sarawak moi pointopot momonsoi ponoinuan pogulu mamagarit karatas undi id pomilian tagayo pogun, tadau Koonom diti.

Ka disio, mimang do lalansanon rayat Barisan Nasional (BN) ih ogumu manahak ponguhupan manalasai kobolihangkangan do rayat id pogun diti.

“Otopot nopo nga nunu ih pinoimbulai do susumaap, kogumuan dilo nasalasai noh do porinta Sarawak id siriba binuruanan Boyoon Montiri (Tan Sri Adenan Satem),” ka disio ih nosiliu tombului ababayan ‘Randau Sejiwa Senada’ pinosolimbou TV1, konihab.

Nosiliu tombului id ababayan dilo nopo nga Montiri Sumber Asli om Ahal Posorili ih ponogi Puru Parlimen Santubong, Datuk Seri Dr Wan Junaidi Tuanku Jaafar.

Minoboros ih Salleh do sundung noubasanan do Malaysia sistom demokrasi miampai manahak kobibasan kumaa rayat do momili momuruan nga apatut wonsoion ilo miampai osorisid moi kputusan di naanu amu momirumbak pogun. – BERNAMA

Apa Komen dan Pendapat Anda

Artikel Berkaitan