Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Raime mamaramit tosonong ponimbanan Bajet 2016

raimie
TENOM: Puru Parlimen Tenom, Datuk Raime Unggi, minamaramit tosonong ponimbanan Bajet 2016 ih pinawalad di Luguan Montiri di kawawagu.

“Rayat pogun diti mositi koilo kinomorusutan ikonomi sompomogunan minononsog do porinta maganu laang montok mogintong kopio ningkokoton ikonomi pogun diti kotilombus ogirot,” ka disio.

Minoboros isido miagal dilo soira rinuba maganu haar kalapas ababayan Angpau om Tutungkap Susumikul Nakalantoi UPSR 2015 id SJKC Chi Vun, di kawawagu.

Tumanud dii Raime, bajet nopo dilo kosuang ginumu ahal miagal porinta minopotimporon ababayan panahakan sikulasip JPA, Bantuan Rakyat 1Malaysia (BR1M), ababayan MyBeras pinointutun, gaji kukumaraja porinta pinotilombus om pamansaian do UTC id kinoyonon ponong sokid id Sabah, ilo nopo nga id watas Keningau.

“Pounsikou kumaa Luguan Montiri Datuk Seri Najib Tun Razak sabap kosianan dau om kasasari mokinongou pinuhobo do rayat,” ka disio. – Sayangsabah

Komen


Berita Berkaitan