Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Puspanita potilombus papanau mogisuai-suai ababayan

puspanita
KOTA KINABALU – Puru Kotinanan Suri om Kukumaraja Koonduan Porinta (Puspanita) raan Sabah pinokianu tumilombus papanau karaja id kowowoyoon goos osonong montok kotundaon do kotinanan dilo.

Monunurat Porinta Pogun Tan Sri Sukarti Wakiman minoboros do,id suang ponuridangan kotinanan di tapantang, puru dau mositi kasasari papanau kowowoyoon dit osonong kosuang nogi tumanud kooturan di pinatatap do kotinanan nokomoi.

“Otumbayaan oku do kowowoyoon miagal diti noh minopogirot kotinanan Puspanita raan Sabah gisom kaanu papanau mogisuai-suai ababayan om nakaanu pongiktirafan id nayatan kabansaan,” ka disio.

Minoboros isido miagal dilo siora minanahak boboroson id kopongukaban Mitingan Tounan ko-32 Puspanita raan Sabah, hiti di kawawagu.

Id ababayan dilo, nokotindapou nogi ih Ponorikohon Puspanita raan Sabah, Puan Sri Hairani Hussaini; Monunurat Pointatap Komontirian Kousinan, Datuk Pengiran Hassanel Pengiran Mohd Tahir Nasaruddin om Kumoduo Ponorikohon Puspanita raan Sabah Datin Noraini Jamil.

Sabap dilo, alansan ih Sukarti moi toiso-iso puru Puspanita raan Sabah kaanu mongigit kowowoyoon tosonong okon nopo ko montok popoindalan ababayan kotinanan nokomoi nga id karaja monikid tadau. – Dii Monica Gidong / SayangSabah

Komen


Berita Berkaitan