Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

PUSPANITA poingirot tumoguang mogisuai-suai pogumbalan

puspanita
KOTA KINABALU: PUSPANITA tumilombus mingkakat ogirot montok tumoguang nunu nopo pogumbalan id timpu abantalan.

Ponasihat PUSPANITA raan Sabah Tan Sri Sukarti Wakiman, minoboros miagal dilo soira minopotimpuun mitingan tagayo tounan ko-33 PUSPANITA raan Sabah id Dewan Bankuasi bangunan Walai Koundangan Pogun Sabah do hiti di baino.

“Sundung do ogumu pogumbalan otoguang do PUSPANITA raan Sabah nga otumbayaan oku kaanu yolo tumoguang dilo maya pingisaman om sunduan miuhup id tanga toinsanan puru,” ka disio.

Tumanud disio, PUSPANITA Sabah ih babaino diti nokorikot no 33 toun kinoponuridangan mantad noturidong ko-24 tulan Kosiam 1983 minopokito kaangayan tosonong.

Sukarti ih ponogi Monunurat Porinta Pogun minoboros do kowowoyoon tosonong id tanga puru Puspanita nakaanu minapalanttoi toinsanan ababayan di pinaanjur do kotinanan dilo.

“Kopihondot toun wagu 2016 diti, kainou toinsanan miampai patanom om pasarabak sunduan montok tumilombus komogot om pogirot kotumbayaan id suang lumipantai n unu nopo kaantaban om pogumbalan,” ka disio. – Dii Leolerry Lajius/Sayang Sabah.

Komen


Berita Berkaitan