Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Puspakom posodia pomorisaan aiso kabarai kopihondot Aidilfitri

puspakomm

KUALA LUMPUR – Puspakom Sdn. Bhd. (Puspakom) posodia pomorisaan padsakaian miampai aiso kabarai kumaa sanganu korita misosondiri poimpuli pogun mimpuun tadau ko-6 tulan Koturu gisom 15 tulan Koturu diti.

Boyoon Tupisor Eksekutif Puspakom Mohammed Shukor Ismail minoboros do panahakan dilo kopihondot karamaian Aidilfitri ih amu noh alaid mantad baino.

‘Puspakom posodia manahak 5,000 pomorisaan padsakaian misosondiri miampai aiso kabarai kumaa sanganu korita misosondiri poimpuli pogun id timpu 10 tadau.

“Kowowoyoon padsakaian dii amu otungolig nopo nga tadon koligaganan om alansan yahai lobi ogumu sanganu korita padsakaian misosondiri magahau kosiwatan diti montok mogintong kopio korita diolo otungolig soira papanahon muli kampung do mamaramain Hari Raya miampai paganakan,” ka disio id iso kointalangan do hiti di konihab.

Minoboros ih Mohammed Shukor, alansan nogi Puspakom kaanu popoingkawas kopurimanan kumaa tulun ginumuan karait kosuulan mogintong kotungoligan korita diolo montok mongingkuri koligaganan id talun-alun maya ababayan dilo.

Ka disio, pomorisaan korita misosondiri miampai aiso kabarai dilo kosuang 25 poringkat pomorisaan, ilo nopo nga poniisan koposoliwanan lisun, Gelincir Sisi, Bohogian Id Sawat om Id Siriba padsakaian, Brek, Ketelusan Cermin, kowowoyoon tayar om Rim, Ekzos om suai po.

Ka disio, tulun ginumuan kaanu momonsoi tomujanji miampai rumomut raang Puspakom id somok pogulu mongoi.

“Tulun ginumuan kaanu momoromut talian bebas tol 1-800-88-6927 toi ko laman web www.puspakom.com.my montok mokianu sinarai raan Puspakom poimpuli pogun,” ka disio. – Mynewshub.cc

Komen


Berita Berkaitan