Sayang Sabah Facebook

Likes
Sayang Sabah Twitter

11,768

Followers

Sayang Sabah - Portal Berita Negeri Kita

Puru UMNO pinokianu mamarati sunduan otulid ginawo kumaa paati

12:07pm 12/12/2015 Maryann 0 views Abal Kinoyonon,Kinoyonon,Kota Kinabalu

pemimpin
KUALA LUMPUR: Puru UMNO pinokianu mamarati poimponu cogan kata paati dilo “Bersatu Bersetia Berkhidmat” id suang potilombus pingisaman monguhup do rayat.

Boyoon UMNO Bohogian Beaufort, Datuk Isnin Aliasnih (gambar) minoboros do miampai mongongom togirot cogan kata dilo, toiso-iso puru paati lobi miiso id suang tumoguang nunu nopo ahal om kobolihangkangan id suang paati.

Tumanud disio, id nunu nopo koburuon, paati amu insan koinsodu mantad tumoguang pitagadan om pisuaian pomusarahan ih mogowit pibabakan id piromutan do hiti om hilo.

“Sokiro haro kobolihangkangan id suang nunu nopo ahal, mositi tokou gumuli dilo boboroson karamat “keramat Bersatu Bersetia Berkhidmat” ih milo silihon do tonudon mooi amu tokou mogitotongkoad soira kotoguang kobolihangkangan,” ka disio.

Minongulas isido boboroson Porosidin UMNO, Datuk Najib Tun Razak tadau Kaapat nakatalib.

Daamot dilo, Boyoon UMNO Bohogian Batu Sapi, Datuk Samsudin Yahya (gambar) minoboros do toiso-iso puru paati mositi kopuriman do Umno nopo nga haro iso nakhoda do papanau parti, om ih suai mositi sumiliu tanak kapal miampai manahak poimponu sokodung kumaa momuruan.

Tumanud disio, sokiro ogumu sumiliu nakhoda, rikoton toiso-iso kapal dilo amu manantu suai ko mogowit olondod o kapal dilo.

“Id suang ahal diti, okon ko kirat tanak kapal toi ko puru UMNO amu obuli mimboros nga sokiro ogumu ih manu sumiliu nakhoda tantu amu osonong montok paati,” ka disio.

Boyoon Umno Bohogian Sandakan, Tan Sri Ampong Puyon (gambar) minoboros do puru paati oborulong sokiro ogumu momuruan totuo poindalan nunu ih kaanu mamabak piuludan ih haro mantad.

Ka diso, pointopot nopo nga momuruan totuo paati mositi “bermuhasabah diri” miampai posimbayan pomusarahan om nunu nopo ahal milo salasaion do ososonong.

“Poompus timpu parti haro “pergolakan” sabap pisuaian pomusarahan om otumbayaan oku sokiro toinsanan puru haro sunduan oupus do paati toinsanan dilo aanu manalasaiid mija rundingan,” ka disio. – Sayangsabah

Apa Komen dan Pendapat Anda

Artikel Berkaitan