Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Puru Umno apatut poingkawas pisompuruan

1:20am 12/12/2015 Maryann 8 views Abal Kinoyonon,Kinoyonon,Kota Kinabalu,Pulitik

zakaria
KOTA KINABALU: Monguhup Montiri Koporintaan Kinoyonon om Pomuwaalaian Pogun Datuk Haji Zakaria Mohd.Edris mamaramit tosonong pangangatan di Porosidin Umno kumaa toinsanan puru paati dilo mooi poingkawas pisompuruan montok kopotilombuson pingisaman tumoguang pogumbalan politik do babaino diti.

Ka disio, boboroson di Porosidin Umno dilo popokito pingisaman disio mogintong kopio Umno kotimporon releven om kosiliu wayaan porjuangan tulun Melayu om Bumiputera.

“Montok doho, pononsunudan di pinolombus di Porosidin, atalang soira sinuku disio Porlombagaan do paati sabaagi sondihon kumaa toiso-iso momuruan om puru mooi amu apalid mantad ralan,” ka disio.

Minoboros isido miagal dilo soira minongulas boboroson di Porosidin Umno Datuk Seri Najib Tun Razak id Pitimungan Tagayo Umno 2015, id Kuala Lumpur, di konihab.

Najib id boboroson dau minoposorou kumaa puru ngawi paati do otulid ginawo kumaa momuruan om miiso sabaagi iso tinimungan montok mangalai kotoguang oo rayat kobolihangkangan sokiro pogun diti porintaon do puru di amu orohian do Islam om Melayu. – Sayangsabah

Apa Komen dan Pendapat Anda

Artikel Berkaitan