Sayang Sabah Facebook

Likes
Sayang Sabah Twitter

11,803

Followers

Sayang Sabah - Portal Berita Negeri Kita

Puru pulis amu nakaampai id kiis manakau

11:51pm 06/01/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

FB
KOTA KINABALU: Puru pulis ih mamaso papanau karaja dokumentasi Ops Tapis id Kampung Air andasan di songulun tutumombului mantad Jepun do miuhup tinimungan mananakau.

Mananakau dilo minanakau tusin di tutumombului soginumu RM1500 om pinosuang dii mungui gambar om video id laman sosial.

Salah paham dilo nokoimpuun soira ih tutumombului pinanahakan tinimungan manakau id Kampung Air tadau ko-5 tulan Koiso nakatalib.

Mamaso dilo, ih kinaakano dii minongumpilin id iso kadai id Kampung Air om mamaso mamanau gakod soira songulun tondu minonginsomok di minongumpilin om minamarayou olumis tinan dau.

Ih saspek minoboros do tinan di minongumpilin miagal songulun bina badan om ih minongumpilin om saspek miniboboros.

Nangatan di saspek ih minongumpilin tinanud dau minooi id walai tumpangan Tingkat 2 bangunan kadai dilo. Soira nokorikot id walai dilo saspek (tondu) om apat kusai id suang walai dilo om songulun mantad di kusai minooi paganu pianan tusin di minongumpilin.

Soira naanu o tusin, toinsanan di saspek linintuhun minooi id siriba o, tinanud ih minongumpilin do mokianu di tusin dau nga amu pinoduli di kusai.

Soira nokorikot id siriba walai tumpangan dilo, ih minongumpilin kakal mokianu di tusin gisom naantakan pioduhan id tanga duolo.

Mamaso dilo songulun kusai minopointutun do pulis om minopokito kad kuasa.

Tumanud di Boyoon Pulis Watas ACP M.Chandra, soira nokokito pitagadan id tanga di minongumpilin om suspek, songulun puru Narkotik, id kinoyonon somok dilo ih mamaso papanau karaja dkumentasi minonguhot nunu ih naantakan nga amu nokopirati.

“Sabap amu karati nunu boros di pangadu, sinunudan di pulis mongoi pomonsoi ruputan id balai pulis,” ka disio. – Dii Leolerry Lajius/Sayang Sabah.

Apa Komen dan Pendapat Anda

Artikel Berkaitan