Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Puru Kounsil Watas pinokianu momonsoi pamalanan oulud

 Bobbey Suan (poingirikau limo mantad gibang) miampai di Fredian (tanga) om Rizal (limo mantad wanan) guminambar miampai puru ngawi Kounsil Watas Nabawan. - foto Kalawon Sawing

Bobbey Suan (poingirikau limo mantad gibang) miampai di Fredian (tanga) om Rizal (limo mantad wanan) guminambar miampai puru ngawi Kounsil Watas Nabawan. – foto Kalawon Sawing

NABAWAN – Laang om pamalanan osopung karait kotundaan, kobolihangkangan om ahal id toiso-iso watas kosuul montok mogintong waya osonong sistom karaja toiso-iso kounsil watas sabagi puru kikuasa kinoyonon (PBT).

Sabap dilo, Monguhup Montiri Kotundaan Infrastruktur Pogun, Datuk Bobbey Suan minongunsub toinsanan Puru Kounsil Watas (AMB) do papanau kotundaan watas miampai lobi kipalan om oulud.

“Suai ko mamalan do kotundaan, yolo nga kitonggungan nogi manalasai ahal do suai kosuang kobolihangkangan mogindapu om koborisian. Sokiro id kakadaian tagayo miagal id Kota Kinabalu, kobolihangkangan di asaru otogung nopo nga kasalatan id talun-alun om ogumu po kobolihangkangan do suai.

“Ahal miagal diti amu poh doti nokoumbal naantakan id Pekan Nabawan nga, laang om pamalanan tosopung apatut onuon do AMD moi kotundaan do pekan diti lobi kipalan om oulud id timpu abantalan,” ka disio.

Minoboros isido miagal dilo soira minanahak boboroson kumaa Puru ngawi Kounsil id Ababayan Angkat Sumpah om panahakan watikah pomilian AMD Nabawan id Walai Lintuhunon, hiti di baino.

Soginumu 17 mantad 18 AMD Nabawan nakaramit watikah pomilian om mangangkat sumpah id toguang Ponorikohon Kounsil Watas Nabawan, Fredian Gan.

Iyolo nopo nga ih [email protected] Kilan, Ulin Datuk Pamiang, Barahim Andipoh, Ansom Putiang, Awong Lukap, Welleamson Kunum, [email protected] Simin, Betty Go Ge Len, Kasmah Aziz, Marutin Ansiung, Justin Lambirung, Rosli Roslan Ampagang, Bajib Basukup, Aming Suan, Danny Mantin, Uda [email protected] om Kolin Majau. – Dii Kalawon Sawing / SayangSabah

Komen


Berita Berkaitan