Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Puru komponen BN mositi miuhup: Radin

10:24pm 24/02/2016 Maryann 0 views Abal Kinoyonon,Keningau,Kinoyonon,Pulitik

radin
TENOM: Puru ngawi paati komponen Barisan Nasional (BN) id pogun diti mositi miuhup montok manahak kointalangan kumaa rayat om mongidu mogisuai-suai titondos kumaa porinta BN id media sosial, ka di Montiri Kotundaan Labus Kakadaian Datuk Radin Malleh.

Tumanud disio, piuhupan togirot id tanga puru ngawi paati komponen BN id Sabah lolobi id kinoyonon Parlimen Tenom om Walai Koundangan Pogun (DUN) Melalap kaanu mamajamin do kamanangan BN id pomilian tagayo abantalan.

Radin ih ponogi Timbang Porosidin Parti Bersatu Sabah (PBS) minoboros do puru ngawi paati komponen BN mositi mamarati om mintingubas koubasanan pirundingan, piuhupan kuasa om pirotian ih nosiliu tuod kogorisan do BN mantad nokopomorinta sondiri o pogun diti.

“Kinalantaian do BN solinaid diti nopo nga asil sokodung om kotumbayaan do rayat mogisuai-suai tinaru kosuang tinaru Sina kumaa ponginsamakan do BN ih nokito nakaanu minopoimbulai kosonongon om kosimbayanon mogigion,” ka disio.

Minoboros ih Radin miagal dilo soira minanahak boboroson id ababayan Gong Xi Fa Cai pinaanjur do parti MCA bohogian Tenom id Binai, do hiti di tadau Minggu nakatalib. – SayangSabah

Apa Komen dan Pendapat Anda

Artikel Berkaitan