Sayang Sabah Facebook

Likes
Sayang Sabah Twitter

11,806

Followers

Sayang Sabah - Portal Berita Negeri Kita

Puru kikuasa mositi monorisid koumoligan waze

12:21pm 02/12/2015 Maryann 4 views Abal Kinoyonon,Berita Pilihan,Keningau,Kinoyonon

raimie
TENOM: Bohogian kokuasaan mositi monorisid gontob koumoligan pomogunaan aplikasi waze om aplikasi suai id laman sosial i kaanu mongundoronok koumoligan pogun.

Minoboros i Puru Parlimen Tenom, Datuk Raime Unggi do aplikasi waze nopo nga aplikasi popotunud ralan montok papasanang do tulun ginumuan monglo talun alun tagayo id kakadaian suai ko mongiad kasalatan kulita om kotongob isido do sokiro nung haro sombohogian momoomoguno miampai kasala momoguno aplikasi nokomoi i kituduan montok mongundoronok koumoligan om kabantugan pogun.

Ka disido, ahal dilo binoros id Pitimungan Lintuhun Rayat di kawawagu id longkod pogun, poingkuro po nga amu nakaratu do usul dilo i Timbang Luguan Paati Keadilan Rakyat (PKR) i ponogi Puru Parlimen Pandand, Razifi Ramli, miampai minoboros do aplikasi dilo oumolig montok gunoo do toinsanan tulun.

“Laang dilo okon ko kituduan mangantob piromutan di popular kopio baino diti nga sokiro do aiso laang tosikap do maan, kaanu poligogon do koumoligan pogun,” ka di Raime.

Ka disido, aplikasi baino diti mimang kaanu gunoon do toinsanan bohogian tulun ginumuan, poingkuo po nga mositi ilo do haro iso panamangan togirot mantad bohogian kikuasa mooi do amu kosusuka’ai pasalaon momoguno do bohogian di aiso tonggungan.

Minoboos isido diti kuminaa do magaganu habar montok pinopointalangan toguangon do bohogian koporintaan id ponguludan ahal koumoligan pogun kalapas minopotimpuun Ababayan Perlimen Miampai Koporasi Nayatan Parlimen Tenom, id Lintuhunon Togumu Guno Kompleks Sipoot Tenom, di tadau Koonom. – Dii Kalawon Sawing/Sayangsabah

Apa Komen dan Pendapat Anda

Artikel Berkaitan