Sayang Sabah Facebook

Likes
Sayang Sabah Twitter

11,791

Followers

Sayang Sabah - Portal Berita Negeri Kita

Pulis Sabah minopototop 4 rayat Malaysia tinangayan id kowoigan Ligitan

11:09pm 04/04/2016 Maryann 0 views Abal Kinoyonon,Kinoyonon,Kota Kinabalu

ABDUL-RASHID-600x400
KOTA KINABALU: Pulis Sabah minopoimagon apat tulun rayat Malaysia tinangayan do walu kusai kisindata id kowoigan do Ligitan, pikikiro jam 6.15 sosodopon tadau Kolimo nakatalib.

Posurujaya Pulis Sabah Datuk Abdul Rashid Harun minoboros do apat rayat Malaysia kiumur 21 gisom 34 toun dilo nopo nga wookon siam kru kapal tunda ih mamaso id tindalanon gumuli mantad Filipina kumaa Malaysia.

Iyolo nopo nga Wong Teck Kang, 31; Wong Hung Sing, 34; Wong Teck Chii, 29, om Johnny Lau Jung Hien, 21.

“Id suang kapal tunda dilo, haro limo tulun suai toiso-iso utlun Myanmar om Indonesia, nga pinalabus iyolo do tinimungan kisindata dilo,” ka disio.

Minoboros isido miagal dilo kumaa maganu habar kalapas ababayan piborisan kopupuson pingludaan Ababayan Pingludaan Asas Kepolisan Konstabel Siri 2/2015 do hiti, tadau Koonom.

Minoboros ih Abdul Rashid do pulis mamaso monoriuk om monimung kointalangan kosuang mongintutun do kinoyonon pointopot kinaantakan dilo.

“Kada tokouu tilombus momonsoi kosimpulan do mimboros, ilo nopo nga id kinoyonon tokou, do hilo doti id kowoigan sompomogunan, nga sasabap id tindalanon kumaa Tawau, om ruputan tosikap dilo winonsoi kumaa dotokou.

“Kinoyonon kowoigan Ligitan ih binoros do naantakan kinaantakan dilo nopo nga agayo om haro aset tokou (do hilo). Sabap dilo mamaso tokou monoriuk om magandad koputusan do otopot toi kinaantakan dilo id kowoigan tokou, toi ko amu poh nokosuang id kowoigan tokou,” ka disio. – BERNAMA

Apa Komen dan Pendapat Anda

Artikel Berkaitan