Sayang Sabah Facebook

Likes
Sayang Sabah Twitter

11,728

Followers

Sayang Sabah - Portal Berita Negeri Kita

Pulis Sabah manahak pogintangan sotingggan amu kosiliu lisokon tulun taraat

11:43pm 28/02/2016 Maryann 0 views Abal Kinoyonon,Kinoyonon,Kota Kinabalu

setinggan-600x366
KOTA KINABALU : Pulis manahak pogintangan montok mogintong kopio aiso kowowoyoon taraat id sotinggan pogun diti, ka di Posurujaya Pulis Sabah Datuk Abdul Rashid Harun.

Minoboros isido do pingisaman dilo montok mamajamin do kinoyonon sotinggan amu osoliu lilisokon ttulun taraat.

“Ababayan gotong royong perdana kapaampai tinimungan koumoligan om agensi suai mangan populio id toinsanan kinoyonon sotingggan id Sabah. Ababayan dilo kituduan poingkawas gontib koborisian om koumoligan id kinoyonon sotinggan,” ka disio kumaa maganu habar kalapas minooi intong do ababayan gotong royong perdana id sotinggan Telipok do hiti di baino.

Tumanud disio, ababayan kumoinsanan miagal dilo pinapanau id kinoyonon sotinggan Telipok sumusuhut karaja miuhup id kinoyonon sotingggan dilo d tadau ko-13 tulan Koduo nakatalib.

Id ababayan dilo pulis nakaanu minanahan onom tulun id siriba Akta Kasalaan Koumoligan (Laang-Laang Poimbida) 2012 (SOSMA).

Soginumu 428 puru om tupisor pulis miampai 657 puru om tupisor mantad agensi suai kosuang Tinimungan Susumangod Malaysia (ATM), Kounsil Koumoligan Pogun, Koupisan Portahanan Kogumuan, Koupisan Kolidasan om Dewan Bandaraya Kota Kinabalu tinanud do ababayan dilo.

Karait onom tulun di tinahan sabap kikotumbayaan dalang papatahak kointalangan om manahak sakadai kumaa tulun taraat songkosuaian, ka dii Abdul Rashid, ponoriukan mamaso papanahon om gisom baino manahak yolo ponguhupan tosonong kumaa pulis.

Ka disio, ponoriukan do pulis kosuang mongintutun sokiro haro tulun suai nakaampai. – BERNAMA

Apa Komen dan Pendapat Anda

Artikel Berkaitan