Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pulis minanahan duo natandasan manakau kadai Orange

samun
KOTA KINABALU: Puru pulis minanahan duo tulun natandasan kikotumbayaan nakaampai id kiis manakau kadai 24 jam Orange, Taman Cantik Lido tadau ko-15 tulan Kotolu nakatalib.

Kinaantakan dilo naantakan pikikiro jam 1.00 minsusuab gisom 1.40 minsusuab, id iso kadai 24 jam (Orange) om songulun mungui ih poinsomok do kadai dilo nga pinanakahan nogi dilo duo kusai kisindata dangol om pisau.

Mantad kinaantakan dilo, minaganu o pulis laang tosikap montok mogihum kointalangan potilombus mongintutun di natandasan.

Id suang pingisaman dilo, naanu do pulis minanahan koduo-duo ih natandasan id duo ponugkuan walai misuai id Kampung Pasir Putih Penampang om Kampung Anak Kinarut.

Mongigit daamot boyoon pulis watas DSP Rosdi Mat Jusoh, minoboros do tadau ko-15 tulan Kotolu nakatalib, jam 5.46 minsusuab iso ruputan pulis winonsoi di pangadu minoboros do pikikiro jam 1.33 kosuabon, id Kadai 24 jam Orange, Taman Cantek Lido Luyang Kota Kinabalu Sabah haro duo kusai amu nointutunan kisindata dangol om pisau minanakau.

“Mantad ponoriukan do pulis mamaso di pangadu om tambalut dau pakaraja id kadai dilo, sigog om nokorikot duo kusai amu nointutunan kitupi helmet om sarung turos oitom sinuang id kadai om minapaakang do dangol om pisau.

“Koduo-duo di natandasan minonuhu minongukab do misin tusin om minonuhu maganu toinsanan tusin RM 675. Koduo duo di natandasan nga minanganu duo Kutak sogirit ‘Winston’ om duo ‘Mevius’ pogulu minogidu,” ka disio. – Sayang Sabah

Komen


Berita Berkaitan