Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pulis marin minangahau 46 kayu bakau

ENAKMEN-PERHUTANAN-5

SANDAKAN- Tinimungan Pulis Marin (PPM) Wilayah 4 nakalantoi minangahau 46 guas kayu bakau ih kikotumbayaan pinutul miampai aiso kasagaan maya Op Pensura id kowoigan Batu 3 do hiti tadau Kotolu.

Komander PPM Wilayah 4, ACP Mohamad Madun minoboros do kinaantakan dilo pikikiro jam 11.35 kosuabon soira bot ronda PSC 14 nokobontol piro-piro kusai mamaso papanau karaja momutul do kayu bakau id gouton miinsomok do bawang kampung dilo.

Ka disio toinsanan kusai dilo minogidu soira rinapou om amu naanu minamagakom.

Toinsanan kayu bakau om duo bot kigatang pikikiro RM10,000 noowit kuminaa Pangkalan Markas Operasi PPM Sandakan om pinatahak kumaa koupisan Kogoutanan Sandakan montok laang potilombus.

Kiis dilo soriukon id siriba Enakmen Kogoutanan Pogun Sabah sabap minaganu om momutul do kayu miampai aiso kasagaan. – AA/ SayangSabah

Komen


Berita Berkaitan