Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pulis mangasu 4 tulun minanakau miampai sinjata

Awang Besar (tanga) popokito topod do tusin naahau kawagu id kees dilo. – foto Masani Sandan
Awang Besar (tanga) popokito topod do tusin naahau kawagu id kees dilo. – foto Masani Sandan

TAWAU – Songulun kusai tinahan om apat poh kawagu tambalut dau do babaino diti mamaso osuon do pulis, kikotumbayaan minanakau miampai kisinjata pikikiro jam ko-2.30 kosuabon id iso kumponi id Jalan Dominic, minsusuab tadau Koduo nakatalib.

Boyoon Pulis Watas, Asisten Komisioner Awang Besar Dullah minoboros do, kusai dilo naanu minanahan 20 jaam kalapas ruputan pulis mantad songulun sikuriti kumponi dilo.

Tumanud disio, ih natandasan nopo kiumur, 20 toun kusai kinoyonon om aiso karaja, noilaan positif dadah, tinahan asil ruputan om kointalangan tulun ginumuan ontok jam ko-8 totuong tadau dilo id kakadaian.

Id kinaantakan dilo, pangadu miampai songulu poh kawagu tambalut dau mamaso papanau karaja madtamong kotungoligan kumponi nokomoi rinikot limo kusai amu otutunan om kisinjata dangol om kitoping.

“Songulun mantad diolo minopataan do dangol kumaa koduo-duo sikuriti dilo om apat tambalut di suai suminuang id louting kumponi pamansaian nokomoi. Wookon kakamot di pinanakau nopo nga kad kointutunan di pangadu, duo talipaun tiigiton, memori kad, tusin RM200 sinanganu di pangadu om RM7,000 tusin do kumponi id suang do laci,” ka disio.

Kiis dilo mangan soriuko id siriba Seksyen 395/397 Kanun Keseksaan. – Dii Masani Sandang / SayangSabah

Komen


Berita Berkaitan