Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Pulis Labuan nakasalasai kiis manakau kabel om monoruang walai

polis labuan 11
LABUAN: Pulis Labuan kikotumbayaan nakapanalasai kiis manakau om monoruang walai miampai nagakom apat tulun natandasan id duo kinoyonon misuai kotimpuunon tulan diti.

Kiis manakau dilo popohompit duo tulun kinoyonon kiumur 26 om 46 toun ih kikotumbayaan aparagat manakau kabel om kakamot koburuon pamaganti korita lolobi id kinoyonon porindustrian.

Boyoon Pulis Labuan Supt Adzhar Othman minoboros do koduo-duo ih natandasan tinahan di tadau ko-5 tulan Kotolu id Kampung Saguking pikikiro jam 9.30 totuong maya ruputan pinanakahan kabel tembaga kigatang RM154,000 om botiri trak kigatang RM1,000.

“Koduo-duo ih natandasan tinahan daamot montok ponoriukan,” ka disio kumaa maganu khabar do hiti.

Tumanud ponoriukan tosopung, koduo-duo di natandasan minanakau kabel om botiri padsakaian nokomoi id tolu kinoyonon mogisuai-suai di tadau ko-5 tulan Kotolu nakatalib pikikiro 8.45 totuong id Serba Denamik Sdn Bhd, Jalan Rancha-Rancha; Gudang Eastwind id Jalan Tun Mustapha, Batu Arang om id tapak padsakaian Jin Huat, Jalan Rancha-Rancha.

Dawaon iyolo id siriba Seksyen 379A om 379 Kanun Keseksaan.

Karait ponoruangan do walai, ka di Adzhar, duo ih natandasan tinahan tadau ko-6 tulan Kotolu nakatalib id iso walai aiso numbur id Kampung Lubok Temiang om Taman Mutiara, Sungai Bedaun pikikiro jam 10.15 totuong.

Ih natandasan kiumur 22 om 39 toun tinahan sabap kikotumbayaan nakaampai id piro-piro kiis manakau kosuang kakamot lotirik kigatang RM9,310. – BERNAMA

Komen


Berita Berkaitan