KOTA KINABALU: Pulis bantuan lolobi ih pakaraja id kinoyonon Zon Atampasi kOSILAHON Sabah (Esszone) pinokianu mooi mintong-intong kumaa toinsanan pongundoronok kosuang kasalaan dumarapas piolitan.

Kumoduo Pesuruhjaya Polis Sabah Datuk Awang Sahari EM Nadzeer minoboros do kinoponuridangan pulis bantuan maya siktor korporat om swasta nokito kaanu monguhup ponorinaan Polis Diraja Malaysia (PDRM) mogintong kowowoyoon id kinoyonon dilo montok mogintong kopio koumoligan kowoigan pogun diti potilombus atamangan.

“Pulis bantuan apatut sumiliu ‘mato om tolingo’ PDRM miampai monguhup patahak kointalangan karait kiis kasalaan om sokiro haro ahal di kororoso sikapan da posunud dahai,” ka disio soira rinuba maganu habar kalapas ababayan kinopupusan pinludaan polis bantuan id Longkod Pingludaan Polis (Pulapol) do hiti.

Id ababayan dilo, soginunu 101 polis bantuan mantad 10 agensi kosuang Universiti Malaya om Asian Supply Base Sdn Bhd minomupus pingludaan solinaid siam minggu id Pulapol. – BERNAMA