Sayang Sabah Facebook

Likes
Sayang Sabah Twitter

11,809

Followers

Sayang Sabah - Portal Berita Negeri Kita

Pulis amu nakaanu mongintutun barangg kiis ponoruangan Lahad Datu kalapas analisis forensik

12:40am 10/12/2015 Maryann 13 views Abal Kinoyonon,Kinoyonon,Kota Kinabalu

tanduo
KOTA KINABALU: Songulun tupisor pulis amu nakaanu mongintutun do babarang kiis digital ponoruangan Lahad Datu ih naanu mantad CyberSecurity Malaysia do ih pinaatod montok analisis forensik, Kuut Takawas sinunudan di konihab.

Bagas Tupisor monoriuk Semporna Insp. Mohamad Ali Yusran Osman minoboros do iti sabap babarang kiis di naanu linopot kawagu kalapas sinoriuk toi ko analisis.

“Linopot babarang kiis di naramit ku numaan meterai do puru CyberSecurity Malaysia om linopot polositik dilo toinsanan kiwotik otuong,” ka disio id bisara 30 tulun haro kogoitan ponoruangan tinimungan kisindata Sulu id Kampung Tanduo, Lahad Datu tulan Koduo 2013.

Mohamad Ali Yusran ih babaino pakaraja id longkod tupis pulis watas Klang Utara minoboros do sinuhu isido di Boyoon Monoriuk Kasalaan Tawagat Semporna, DSP Zairolnizal Ishak do monimung babarang kiis digital mantad CyberSecurity Malaysia intolu di toun 2013, ilo nopo nga tadau ko-24 tulan Kaapat, 17 tulan Koturu om 10 tulan Kosiam.

Monimbar ponguhatan di kumoduo mamadawa tagayo Datuk Abdul Wahab Mohamed minoboros isido do, amu isido nakaanu minintong babarang kiis id suang linopot di naramit dau mantad CyberSecurity Malaysia sabap nosoriuk om nolopot noh di puru digital dilo.

Id sambalik dilo, pinatahak disio toinsanan kakamot dilo kumaa dii Zairolnizal soira nokoguli id Semporna. – BERNAMA

Apa Komen dan Pendapat Anda

Artikel Berkaitan