Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

‘Pugai Balabak’ sinuratan dii Witer Gunik

Mantad wanan - Asmiah Ajamain, Monsu Godon, Rem Dambul om Witer Gunik.
Mantad wanan – Asmiah Ajamain, Monsu Godon, Rem Dambul om Witer Gunik.

Susuian toniba “Pugai Balabak” sinuratan dii Witer Gunik nakaanu pogintangan id Ababayan “Bedah Karya Kelab Penulis Kadazandusun Murut Malaysia” (Momogunsia) id Rumah Pangi, Sabandar, Tuaran, di kawawagu.

Nakaanu ih Witer minopoimbulai iso pomusarahan kawawagu id suang mamasi toiso-iso susuian ponuratan, ka di Ponorikohon Kolab Monunurat Kadazandusun Murut Sabah, Henry Bating.

Sinuratan do suai ih nakaampai numaan ulaso id ababayan dilo nopo nga, ‘Sesal Dahulu Pendapatan’, ‘Desa Sokid’ sinuratan dii Anthonia Gilung, ‘Pilihan Pertama’ (Sofie Clara), ‘Lambaian Seratus Hari’ (Caroline Baginda), ‘Tujuh Pintu’ (Kathirina Tati), ‘Samad’ (Rita Robert Rawantas), ‘Tembok Hubungan’, ‘Resort Podtungongisan’ (Raymond Majumah), ‘Berkembang Dari Debu’ (Yatim Ahmad), ‘Lias’, ‘Puteri Salji Kinabalu’ (Welin Ebal) om iso sinuratan dii Juilis Mokujal.

Ababayan nopo dilo nga toput mantad kinopotimpuunan antologi susuian toniba ‘Nyiur Gading Tinggi Menjulang’ (NGTM) dii Potunud DBP, Asmiah id Hotel Perkasa, Keningau, duo minggu pogulu diti.

“Id antologi i mangan tokou wonsoio kaagu nopo nga mositi wonsoion osonong-sonong om okon ko, asal haro nopo,” ka di Yatim Ahmad soira minanahak pongulasan. Ih Yatim nopo nga monunurat susuian toniba NGTM ih nosiliu tulu antologi i numaan potimpuuno.

Susuian toniba ‘Pugai Balabak’ sinuratan dii Witer Gunik minopoimbulai koubasanan ‘guna-guna’ id tanga mogigion tinaru sandad pogun Sabah. Koubasanan miagal dilo kopogowit korumbakan koposion kumaa sosongulun dii noontok do pugai toi ko “guna-guna”.

Pugai Balabak nopo nga iso ilmu momugai ih amu milo langkabon do tulun tomod (koubasanan nopo nga sumandak dii osumbung) ih noontok do pugai piagalon dii pugai do suai.

Id susuian toniba PB, ih Caroline noontok do Pugai Balabak sasabap amu minamaramit apat momuhaboi ih mogisooli-sooli minongoi pomuhaboi disio.

Poingkuro kopupuson do susuian toniba diti, basao noh PB, sinuratan di Witer. – SayangSabah

Komen


Berita Berkaitan