Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Proton kihontolon padagang Proton Iriz soginumu 4,500 tinan sombulan

Norzahid (tanga) guminambar miampai tutumanud ababayan Proton Iriz Borneo Media Drive.
Norzahid (tanga) guminambar miampai tutumanud ababayan Proton Iriz Borneo Media Drive.

KOTA KINABALU – Proton Edar Sdn Bhd kikotumbayaan kaanu padagang gisom 4,500 tinan korita sombulan montok model kawawagu korita Proton Iriz, poimpuli Malaysia toun diti.

Boyoon Tupisor Ekesekutif dau, Norzahid Mohd Zahudi minoboos, id timpu diti nakaramit noh o Proton do buking soginumu 150 sangadau montok korita nokomoi lolobi montok variasi automatik 1.6 liter.

“Gisom songkosodop (tadau Kolimo) pikikiro 17,000 korita Proton Iriz nokorijistor poimpuli Mlaysia mantad pinotimpuun o korita diti tulan Kosiam toun nakatalib om kogumuan nopo nga variasi 1.6 liter,” ka disio.

Tumanud di Norzahid, padagangan do korita Proton Iriz variasi automatik 1.3 liter minoposurat nogi kinoingkawason.

Ka disio, momoguno id Sabah om Sarawak lobi orohian papanau korita transmisi manual piagalon dilo automatik.

Proton Iriz pinalabus tolu variasi korita, ilo nopo nga Standard, Executive om Premium miampai turu pomilian do wotik, padagangon id pialatan horogo mantad RM42,438 gisom RM64,888. – Dii NUZIR ANDI SAMSIAR / Sayangsabah

Komen


Berita Berkaitan