Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Proton Iriz kaanu manahak pialaan id padagangan korita

MUMBAL PAPANAU  … Konvoi Proton Iriz tumalib do sunsuion id ababayan Proton Iriz Borneo Media Drive.
MUMBAL PAPANAU … Konvoi Proton Iriz tumalib do sunsuion id ababayan Proton Iriz Borneo Media Drive.

KOTA KINABALU – Soginumu 20 tulun maganu habar id pogun diti tinanud id Ababayan Proton Iriz Borneo Media Drive solinaid apat tadau mimpuun mantad Miri Sarawak.

Ababayan dilo kihontolon manahak kosiwatan kumaa toinsanan tutumanud do mumbal papanau model kawawagu korita nasional Proton Iriz dilo.

Tumanud Boyoon Tupisor Eksekutif Proton Edar Sdn Bhd, Norzahid Mohd Zahudi nagampot hontolon do ababayan nokomoi.

Di tadau koiso ababayan nokomoi, toinsanan tutumanud pinokianu papanau korita Proton Iriz kisinodu 84 kilometer kumaa id Gua Niah.

Kalapas dilo, pogumbalan papanau korita nokomoi tuminilombus mantad Miri kumaa id Brunei Darussalam miampai sinodu pikikiro 151 kilometer di tadau koduo.

Id konvoi nokomoi, pinosodia do Proton duo variasi Proton Iriz montok pongumbalan papanau, ilo nopo nga korita 1.3 manual om 1.6 CVT automatic, papanahon misosoli di tutumanud.

Tumanud di Norzahid, pamanahan mantad Brunei kumaa Kota Kinabalu, Sabah kisinodu 396 kilometer maganu timpu pikikiro 10 jam pamanahan. – Dii NUZIR ANDI SAMSIAR / Sayangsabah

Komen


Berita Berkaitan