Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Promosi “Kraf Warna-Warni Aidilfitri” pogun Sabah 2015 humontol kaanu kountungan lobi akawas

Kamarlin (duo mantad wanan) tinombului id Promosi Kraf Warna Warni Aidilfitri – foto Jimmy Tan / SayangSabah
Kamarlin (duo mantad wanan) tinombului id Promosi Kraf Warna Warni Aidilfitri – foto Jimmy Tan / SayangSabah

KOTA KINABALU- Promosi Kraf Warna-Warni Aidilfitri Pogun Sabah Kointolu humontol kaanu mamagampot ginumu padagangon promosi kraf soginumu RM250,000 miampai koingkawasan ginumu pinadagang RM119,425.10 di toun nakatalib.

Monguhup Montiri Kotombuluian Koubasanan om Ahal Misorili Datuk Kamarlin Ombi minoboros do poromosi toun diti tinanud soginumu 69 mogindapu mantad Sabah, Sarawak om Semenanjung.

“Mantad ginumu dilo, turu mogindapu mantad kaganaan kraf tekstil om 62 mantad kaganaan do suai miagal asil gouton, logam, mogisuai suai kraf om haro nogi padagang taakanon, tiinumon biskut om kuih raya,” ka disio kumaa maganu habar do hiti di baino.

Tumanud disio hontolon nopo promosi diti nga manahak kosiwatan kumaa mogindapu kraf montok padagang kraf lolobi id karamaian Aidilfitri ih amu noh alaid mantad baino.

Suai ko ilo, promosi miagla dilo kaanu manahak kosiwatan kumaa tulun ginumuan do momoli kraf mantad Malaysia om momonsoi porsoddiaan montok mamaramai Aidilfitri. – Dii Dewiana Tinggolongon / SayangSabah.

Komen


Berita Berkaitan