Sayang Sabah Facebook

Likes
Sayang Sabah Twitter

11,792

Followers

Sayang Sabah - Portal Berita Negeri Kita

PPM Tawau minangahau mogisuai-suai sogirit kigatang RM31,000

10:21pm 15/02/2016 Maryann 0 views Abal Kinoyonon,Berita Pilihan,Kinoyonon,Tawau

rokok
TAWAU : Tinimungan Polis Marin (PPM) Tawau minangahau 6,100 winongkos sogirit mogisuai-suai ngaran kiro-kiro kigatang RM31,000 id suang Operasi Paradise id kinoyonon kowoigan watas diti songkonihab.

Komander PPM Wilayah Sabah ACP Mohamad Madun minoboros do karaja monoludup sumuang o sogirit dilo noilaan do puru dau ih mamaso papanau rondaan pikikirp jam 11.15 totuong om nokobontol miampai iso bot tosiau mantad Sungai Nyamuk, Indonesia, kumaa Sungai Tawau.

“Soira nokopuriman kinorikatan do bot ronda PPM, bot dilo minodsiau mogidu. Bot ronda PPM nakaanu minomogusa solinaid 18 minit pogulu nokopikisas o koduo-duo bot dilo.

“Duo kusai id suang bot dilo tinuhun id rahat minongidu do bot diolo. Puru PPM mumbal momogusa nga nasansagan minundorong soia nokorikot id waig di oribau om ooris araag o enjin bot,” ka disio id suang kointalangan do hiti di konihab.

Minoboros ih Mohamad do mantad pomorisaan potilombus, nokito 3,000 wongkos sogirit ‘Premium Gold’ kigatang RM15,000; 1,000 wongkos sogirit Astro Merah (RM5,500); 1,000 wongkos sogirit kretek LA Hijau (RM5,000); 600 wongkos sogirit kretek LA Merah (RM 3,000) om 500 wongkos sogirit Astro Hijau (RM2,500).

Ka disio, toinsanan dilo kosuang o bot om enjin pikikiro kigatang RM65,000. Soriukon ilo id siriba Akta Kastam Seksyen 135(1)(e) 1967. – BERNAMA

Apa Komen dan Pendapat Anda

Artikel Berkaitan