Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

PPM minangahau 7 karabau umbalan soludupon mantad Tawau

10:51pm 28/03/2016 Maryann 0 views Abal Kinoyonon,Jenayah,Kinoyonon,Tawau

ppm
TAWAU: Tinimungan Polis Marin (PPM) minangahau turu tinan karabau kikotumbayaan umbalan soludupon sumoliwan mantad watas diti kosodop.

Komander PPM Wilayah Empat Sabah ACP Mohamad Madun minoboros do toinsanan karabau dilo naahau id suang iso kapal kayu mamaso tinimungna koumoligan dilo papanau rondaan id kowoigan Sungai Tanjung Batu pikikiro jam 9.30 totuong.

“Mamaso karaja dio, tinimungan mogigintong nokobontol iso kapal kayu ih mosi-rosi sinakai duo kusai kiumur 33 om 42 toun.

“Mantad pomorisaan potilombus nabantalan turu tinan karabau miau ih naakun sinanganu songulun poinsakai kapal diolo om kikotumbayaan umbalan tangayan sumoliwan kumaa Indonesia,” ka disio id iso kointalangan do hiti di baino.

Tumanud dii Mohamad, ponoriukan potilombus nokito sanganu do karabau dilo amu nakaanu minopokito nunu-nunu permit toi ko dokumen pointopot montok papaanu diolo mogowit tayam dlo kumaa pogun sampaping.

Minoboros isido do koduo-duo kusai om karabau dilo tinangayan kuminaa Pangkalan PPM Tawau montok laang potilombuus.

Daamot idlo, ka dii Mohamad puru dau tumilombus mingisom monguyas nunu nopo karaja di kapanahub kooturan pogun diti. – BERNAMA

Apa Komen dan Pendapat Anda

Artikel Berkaitan