Sayang Sabah Facebook

Likes
Sayang Sabah Twitter

11,697

Followers

Sayang Sabah - Portal Berita Negeri Kita

PPM minanahan apat kusai momoguno boom sada

11:02am 13/01/2016 Maryann 0 views Abal Kinoyonon,Berita Pilihan,Kinoyonon,Tawau

bomb-ikan-600x338
SEMPORNA: Apat kusai tinahan do Tinimungan Pulis Marin (PPM) soira’ minumbal monginsada’ momoguno boom id duo kiis misuai tadau Koiso’ do hiti.

Komander PPM Watas Sabah ACP Mohamad Madun id kopointalangan pinopoilo do koinsanai diolo’ i natahan kiumur 23 gisom 42 toun, tinahan montok ponoriukan potilombus id sahau Akta Ponginsadaan 1985.

Tumanud disio, kiis koiso’ naantakan di kiikiro jaam ko 2.15 sosodopon id watas Rahat Tobo Semporna katalib di sontinimungan puru binuruan di Koperal Amboh Sakah Saguni miampai duo puru nuhupan do buut Sea Hawk 2110, minanahan di songinan buut poom.

Buut poom kiwotik obulou dilo’ talib dino pinorisa’ om nokito kiikiro limo kilogram sada’ tahata’ mogisusuai ponit id suang dilo’ om nokunan di juragan do koinsanai sada’ nokomoi naanu minomoguno do boom.

Naamot dilo’, kiis koduo nokoruput naantakan di kiikiro jaam ko 2.45 sosodopon di tinimungan miagal id watas di miagal soira’ minanahan songinan buut poom kiwotik opurak i minomoguno duo unit injin poom.

Mantad pinomorisaan, haro songulun juragan om awak-awak id suang do buut nokomoi miampai do apat watang ‘daternator’, songgulun hoos, iso’ unit ‘compressor’ doid suang do buut i kotumbayaan montok kogunaan ponginsada’ momoguno do kakamot lumoput.

Ka di Mohamad, bohogian disio tumilombus popoindalan kopoimaganankuasa’an undang-undang kaampai no i kapaampai do kotinanan kosuul no id watas kowoigan montok monoibau nunu-nunu kopomusalaan.

Kohondot dilo’, ka disio kosokodungan tulun ginumuan id kapatahakan kointalangan kiguno kopio montok monokodung do bohogian disio popoindalan kotorinaan. – Sayangsabah

Apa Komen dan Pendapat Anda

Artikel Berkaitan