Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Potindohoio rikod pongurusan kousinan goos osonong: Musa

 Musa Aman (gibang) mamaramit pokikitanan mantad songulun lansanon kontinjen. - foto JKM

Musa Aman (gibang) mamaramit pokikitanan mantad songulun lansanon kontinjen. – foto JKM

KOTA KINABALU – Boyoon Montiri Datuk Seri Musa Aman mokianu kumaa Komontirian Kousinan do potilombus popotindohoi ruputan om ningkokoton goos osonong id pongurusan kousinan.
Isido ih ponogi Montori Kousinan pogun minoboros do kosuul o pingisaman dilo moi komontirian nokomoi kosiliu pongitanan tosonong kumaa koupisan om agensi porinta ngawi di suai do monginsonong pongurusan kousinan toiso-iso diolo.
“Kinalantaian do Komontirian Kousinan minaganu panarapan apat bintang apatut potindohion montok poposiliu komontirian dilo potilombus kosiliu pongitanan do koupisan porinta suai.
“Alansan oku nogi moi lobi ogumu komontirian, koupisan om agensi ngawi porinta kaanu panarapan apat bintang id suang pongurusan kousinan,” ka disio.
Minoboros isido miagal dilo id kotimpuunan Sipoot Karnival Dwi-Tounan Komontirian Kousinan miampai koupisan om agensi id siriba Komontirian dilo, id Dewan Serbaguna Kompleks Sipoot Kota Kinabalu, hiti di tadau Koonom.
Nokotindapou nogi duo Monguhup Montiri Kousinan Pogun Datuk Micheal Asang om Datuk Ramlee Marahaban, Ponorikohon Yayasan Bumiputera Sabah, Datuk John Ambrose; Boyoon Tupisor Eksekutif Warisan Harta Sabah, Datuk Abu Bakar Abas; Boyoon Tupisor Eksekutif Sabah Development Bank Berhad, Datuk Peter Lim om Boyoon Tupisor Eksekutif Sabah Credit Corporation, Datuk Vencent Pung.
Karnival dilo tinanud 12 agensi id siriba Komontirian Kousinan Pogun.
Karait sipoot karnival dilo, ka di Musa, mimparagat id sipoot okon nopo ko impohon do papalabus kukumaraja di olidas om oporokis nga kaanu nogi poposindak sunduan miuhup id iso tinimungan organisasi.
Otumbayaan isido, sunduan di koimbulai maya pialaan dilo kaanu poposiliu kukumaraja koupisan di lobi olidas papanau karaja di pinatahak montok mamagampot rikoton do koupisan diolo. – Dii Monica Gidong / SayangSabah

Komen


Berita Berkaitan