Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Potimpuunon di Najib porojik PPR Kota Belud, ko-1 tulan Kotolu abantalan

Musa Aman (tanga) miampai di Abdul Gari Itam (gibang) minongoi intong kinoyonon PPR Kota Belud.
Musa Aman (tanga) miampai di Abdul Gari Itam (gibang) minongoi intong kinoyonon PPR Kota Belud.

KOTA BELUD – Komontirian Kesejahteraan Bandar, Pomuwalaian om Koporintaan Kinoyonon (KSBPKT) pikikiro momonsoi soginumu 900 walai montok Porojik Pomuwalaian Rakyat (PPR) Kota Belud id Ulu Kampung Pirasan om Pulau Mantanani, somok hiti.

Montiri dau, Datuk Abdul Rahman Dahlan minoboros do nokolulus noh do porinta pisompuruan o pamansaian PPR dilo di toun natalib om Palan Tindakan Transformasi Bandar maya ababayan Strategi Lautan Biru (NBOS) Kabansaan montok tinimungan kipandapatan monikid tulan id siriba RM2,000.

“Do babaino diti osonong kinopotimpuunan do porojik nokomoi om PPR Kota Belud nopo nga wookon rikoton do komontirian diti montok poposodia walai mampu milik kumaa rayat,” ka disio.

Ababayan mamabak tana PPR Kota Belud ontok tadau ko-1 tulan Kotolu diti potimpuunon di Luguan Montiri Datuk Seri Najib Tun Razak.

Daamot dilo, Boyoon Montiri Datuk Seri Musa Aman ih minongoi intong porsiapan ababayan pamabakan do tana nokomoi minoboros do porinta pogun kasasari manahak sokodung kumaa porojik PPR Kota Belud.

“Otood tokou sabap iso po kawagu porojik pomuwalaian mangan wonsoio id watas diti om pikikiro kaanu manahak komudahan do mogigion moi kaanu yolo walai sondiri,” ka disio kumaa maganu habar.

Nakatanud id tombului dilo, Monunurat Porinta Pogun Datuk Sukarti Wakiman; Speker Walai Koundangan Pogun Sabah, Datuk Salleh Tun Said; Puru Walai Koundangan Pogun (ADUN) Tempasuk, Datuk Musbah Jamli; ADUN Kadamaian, Jeremy Malajad om Montiri Kotombuluian, Koubasanan om Ahal Misorili Datuk Masidi Manjun. – Dii Sitti Nor Azizah Talata / SayangSabah

Komen


Berita Berkaitan