Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Potimporono koimayaan karamaian toiso iso ugama id pogun diti

sapawi

BEAUFORT: Karamaian toiso iso ugama id pogun diti miagal Hari Raya Aidilfitri iso koimayaan sabap karamaian dilo okon nopo ko ramaion do tulun Islam nga ramaion nogi toinsanan mogigion okon Islam.

Sabap dilo, Puru Parlimen Sipitang, Datuk Sapawi Ahmad minoboros do koimayaan miagal dilo ih laid noh noubasanan mogigion id pogun diti sabaagi iso koubasanan mogisuai-suai tinaru apatut potimporonon.

Tumanud disio, koubasanan miagal dilo kaanu manahak kopurimanan kumaa toinsanan mogigion mogisuai suai tinaru om ugama mogion-gion miampai kowowoyoon di oulud om otoronong.

“Koubasanan diti laid noh noubasanan om nosiliu koubasanan mogigion okon nopo ko id Sabah nga poimpuli Malaysia om iti noh koimayaan tokou,” ka disio.

Minooboros isido miagal dilo id ababayan walai poingukab Aidilfitri Umno Sipitang montok Kinoyonon Walai Koundangan Pogun (DUN) Lumadan id Dewan Linkungan, do hiti di konihab.

Nokotindapou nogi ih Kumoduo Boyoon UMNO Sipitang, Datuk Kamarlin Ombi; naib disio, Datuk Ahmad Bujang; Boyoon Koonduan, Datuk Surinam Sadikun; Boyoon Komulakan, Yamani Hafez Musa om Boyoon Puteri, Suzie Hamat om lobi 5,000 tulun. – SayangSabah

Komen


Berita Berkaitan