Sayang Sabah Facebook

Likes
Sayang Sabah Twitter

11,746

Followers

Sayang Sabah - Portal Berita Negeri Kita

Potilombuson pingisaman monginsomok sukod wagu: Musa

12:02am 10/04/2016 Maryann 4 views Abal Kinoyonon,Kinoyonon,Sandakan

musa sandakan
SANDAKAN: Pingisaman monginsomok tinimungan komulakan potilombuson om iso ahal tagayo montok Umno do pogirot sokodung mantad tinimungan dilo kumaa paati, ka di Ponorikohon Kotinanan Piromutan Umno Sabah Datuk Seri Musa Aman.

Musa ih ponogi Boyoon Montiri Sabah minoboros do papanahon ilo maya talad do Umno – Komulakan om Puteri ih papanau tonggungan tagayo monginsomok do tinimungan komulakan toi ko sukod wagu gisom id nayatan sunsud.

Minoboros isido do sunduk momuruan Umno kasasari mokianu Komulakan om Puteri mindahu monginsomok sukod wagu kosuang maya kopoindalanan ababayan di manahak kosuulan kumaa tinimungan dilo, wookon nopo nga maya kosiwatan balajaran om pakarajaan.

“Miagal ababayan koahlian om rijistor pomilian miagal diti kosuul montok mogintong kopio tinimungna komulakan kosiliu puru paati om pongundi.

“Kosuul iti montok pogirot do sokodung kumaa Umno om Barisan Nasional lolobi mantad tinimungan komulakan,” ka disio.

Minoboros isido miagal dilo kumaa maganu habar kalapas minopotimpuun ababayan Koahlian om Rijistor Pomilian nayatan pogun Sabah pinaanjur do Puteri UMNO Sabah do hiti di biano. – BERNAMA

Apa Komen dan Pendapat Anda

Artikel Berkaitan