Sayang Sabah Facebook

Likes
Sayang Sabah Twitter

11,806

Followers

Sayang Sabah - Portal Berita Negeri Kita

Potikid dadah ginakom do polis

10:16am 13/01/2016 Maryann 0 views Abal Kinoyonon,Keningau,Kinoyonon

douglas1KENINGAU: Songulun mantad duo tulun kinoyonon ih tinahan sabap kikotumbayaan haro om potikid dadah esctacy pikikiro kotoguang hukuman gantung gisom apatai id siriba Seksyen 39B Akta Dadah Berbahaya 1952.

Boyoon Pulis Watas Keningau Deputi Supritendan Polis (DSP) Douglas Nyeging Taong minoboros do koduo-duo di natandasan kiumur 29 om 35 toun tinahan do pulis mamaso papanau MPV id poompus ralan Kuala Punteh, Keningau pikikiro jam 5.30 sosodopon tadau Koiso nakatalib.

Ka disio, soira pinapanau pomorisaan kumaa korita Isuzu Dmax kiwotik aragant kinumbur rijistor SS9641R ih sinakai duo kusai dilo id tisan do ralan id kowowoyoon mosi-rosi, nabantalan do pulis iso linopot polositik id pakit sorual ponong wanan om id suang dilo haro tolu linsou pil esctacy kiwinagat 1.10 gram.

“Maya pomorisaan potilombus, nabantalan nogi pulis walu polositik oniniting kikotumbayaan kisuang dadah esctacy soginumu 482 linsou kiwinagat pikikiro 184.00 gram kigatang RM7,000.00 ih pinousuk id piayanan kakamot poinsomok do soromin.

Suai koi lo nabantalan nogi roun nokoring kikotumbayaan dadah ganja id suang linopi karatas id kotak sogirit Gudang Garam id tuulokon do gakod,” ka disio.

Mantad poniisan do sobu, noilaan, koduo-duo dilo positif dadah methamphetamine om amphetamine.- dii Kalwon Sawing/Sayangsabah

Apa Komen dan Pendapat Anda

Artikel Berkaitan