Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Posontobo ginawo tumoguang kaantaban papanau karaja

keningau
KENINGAU: Tupisor om puru Koupisan Kointalangan pogun diti pinosorou do kasasari osontob ginawo tumoguang nunu nopo kaantaban toi ko pogumbalan om tonggungan mamaso papanau karaja.

Potunud Kointalangan Sabah Datuk Haji Almain Ajirul minoboros do sabaagi puru koupisna porinta mositi mamaramit do iyolo nopo nga pointanud kooturan porkhidmatan kosuang poundolihan kinoyonon kumaraja id timpu timpu.

Ka disio, tupisor om puru Koupisan Kointalangan nga amu koidu mantad kooturan dilo sabap iyolo nga poinsuang sabaagi kukumaraja porinta.

“Sabap dilo, mositi yolo mamaramit nunu nopo impohon id suang koupisan miagal poundolihan kinoyonon karaja om suai poh sabap ilo nopo nga ahal koubasanan id suang koupisan,” ka disio.

Minoboros isido miagal dilo soira minanahak boboroson id Ababayan Mamaramai Kopinsinan Puru Koupisan Kointalangan Bohogian Ponongsokid Sawat id iso hotel do hiti di konihab.

Minoboros ih Almain do amu kosudong montok sosongulun tupisor om puru koupisan dilo monulak sokiro suhuon do mundaliu karaja id watas do suai sabap ilo nopo nga koubasanan id suang koupisan. – Sayangsabah

Komen


Berita Berkaitan