Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Posoguluono koborisian: Yahya

Yahya om Masrani tuminanud do gotong royong momilanga om momorisi kinoyonon pataaman rinomos id Kampung Ulu Seberang, Putatan
Yahya om Masrani tuminanud do gotong royong momilanga om momorisi kinoyonon pataaman rinomos id Kampung Ulu Seberang, Putatan

PUTATAN: Ababayan gotong royong momorisi toi ko momilanga posorili Kampung Ulu om Kampung Ulu Seberang pinaharo di tadau baino, pinotimpuun di Kumoduo Boyoon Montiri Datuk Seri Panglima Haji Yahya Hussin.

Ababayan dilo pinaanjur Tupis Bohogian Momuruan Kotundaan Mogigion (UPPM) Petagas, Komiti Kotundaan om Kotungoligan Kampung (JKK), puru susumangod Kem Lok Kawi, Koupisan Portahanan Awam, Rela, Polis, kukumaraja Soluxe Hotel om mogigion kampung.

Yahya ih ponogi Puru Walai Koundangan Pogun (Adun) Petagas minoposorou kumaa mogigion kampung do kasasari poposogulu koborisian misorili montok mangalai toruol koroliu miagal demam Denggi om sobu tikus.

Ka disio, kogumuan kiis demam Denggi naantakan id Sabah kosuang nogi watas Putatan.
Tumanud disio, somok 500 kiis demam Denggi naantakan id Sabah om kotongob kipio ilo kosuang nogi korolihan sobu tikus.

“Sokiro silihon do mogigion o koubasanan momorisi om mantamong koborisian id koliwanan walai, misorili kampung om id suang do walai, tantu noh kaanu tokou mangantok aantakan toruol miagal dilo,” ka disio.

Nakaampai id ababayan dilo, Panglima Angkatan Petugas 450 kumaa Mejar Jeneral Datuk Masrani Paiman mantad Kem Lok Kawi, Boyoon Watas Putatan, OKK Haji Yunus Ismail, Monguhup Tupsor Watas Putatan, Hassan Mahali, PPM Petagas, Ali Hussin Sharin, Boyoon Tinimungan Koonduan Umno Bohogian Putatan, Juriah Palasin, Boyoon Tinimungan Puteri Umno Bohogian, Dahliah Haji Mohd.Zain om momuruan mogigion kinoyonon. – Sayangsabah

Komen


Berita Berkaitan