Sayang Sabah Facebook

Likes
Sayang Sabah Twitter

11,818

Followers

Sayang Sabah - Portal Berita Negeri Kita

Posikapo momonsoi sosondoton kapal kawawagu id Lahad Datu

6:04pm 24/04/2016 Maryann 0 views Abal Kinoyonon,Kinoyonon,Kota Kinabalu

airport-lahad-datu-600x366
KOTA KINABALU: Puru Walai Koundangan Pogun Lahad Datu, Datuk Mohd Yusof Apdal minokianu kumaa porinta pogun do posikap pamansaian sosondoton kapal tutumulud kawawagu id Lahad Datu montok poingkawas do kotombuluian id watas dilo.

Ka disio soira opongoh o porojik dilo, ih poinsumpak pikikiro 400 kilometer mantad longkod kakadaian, potilombus kaanu momoruhang korikatan tutumombului kumaa Lahad Datu.

“Mamaso diti, kapal agayo amu milo sumondot id sosondoton ih haro mantad om ih noh kapal tongokoro o kaanu sumondot,” ka disio soira minopolombus bahas id pitimungan walai koundangan pogun, do hiti di kawawagu.

Sabap dilo alansan isido porinta kaanu posikap pamansaian do sosondoton kapal tutumulud dilo.

Otumbayaan ih Mohd Yusof do pamansaian sosondoton dilo kaanu poingkawas siktor kotombuluian id watas dilo om potilombus poingkawas ningkokoton sosio-ekonomi di Sabah.

Pogulu diti, porinta minopoindalan ponoriukan karait atag pamansaian sosondoton kapal tutumulud kawawagu id Lahad Datu, ih pinapanau do iso kumponi porunding pinili porinta. – BERNAMA

Apa Komen dan Pendapat Anda

Artikel Berkaitan