Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Posikapo manalasai kobolihangkangan do luyud: Raime

Raime (giban) popotuduk kinoyonon tisan do bawang ih oporlu mangan insanangai montok mongingkuri aantakan otuhan o tana’’. - foto Kalawon Sawing
Raime (giban) popotuduk kinoyonon tisan do bawang ih oporlu mangan insanangai montok mongingkuri aantakan otuhan o tana’’. – foto Kalawon Sawing

TENOM – Piro-piro kokompungan ih insaro ohompitan do luyud id kinoyonon Kemabong om Melalap id watas diti momorlu sakadai om ponginsanangan tosisikap mantad puru porinta.
Puru Parlimen Tenom, Datuk Raime Unggi minoboros do ogumu kobolihangkangan omkorugian otoguang mogigion kampung soira lumuyud.
Ka disio, empangan poluyungan do waig kumaa ranahon doparai nga naraag, sunsuyon nga nosonsong do tompok-tompok do kayu om ilo noh tadon kalabai o waig mantad bawang kumaa id talun-alun.
“Kowowoyoon miagal dilo monusa mogigion kampung papanau karaja monikid tadau sabap naraag o sunsuion om talun-alun.
“Sabap dilo, mokianu tokou kumaa porinta do papanau ponginsanangan dilo sunsuion ih haro mantad montok kotungoligan mogigion kampung,” ka disio.
Minoboros isido miagal dilo kumaa maganu habar kalapas minongoi intong id Kampung Oloson, hiti di konihab.
Wokon nopo di kampung ih naantakan do luyud di kawawagu nga Kampung Sungai Api, Sumandalom, Oloson, Tukalilan, Salapong om Jawa Sumbiling.
Tumanud di Raimie puru nokomoi miagal Koupisan Karaja Tagayo (JKR) om Koupisan Kowoigan om Pomoluyungan apatut momoloting wayaan dilo bawang id piro-piro kinoyonon om tisan do bawang nga oporlu nogi mangan insanangai montok mangalai oruhai opiang. – Kalawon Sawing / SayangSabah

Komen


Berita Berkaitan