Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Poruputo sokiro haro sanganu PPR poposiwa walai kumaa PATI

pprt-15
TAWAU – Sanganu ngawi walai Porojik Pomuwalaian Mogigion (PPR) pinokianu amu poposiwa walai diolo kumaa tulun suai lolobi kopio modidikot songkosuaian aiso kasagaan (PATI).

Boyoon Pulis Watas, Asisten Komisioner Awang Besar Dullah minoboros do laang poposiwa walai nokomoi manahak kosiwatan kumaa di PATI tumilombus mogion-gion id pogun diti.

Tumanud disio, walai PPR nopo nga montok noh mogigion Malaysia di kosudong om amu apatut o sanganu dau poposiwa walai nokomoi kumaa PATI.

“Sanganu ngawi walai PPR amu apatut poposiwa walai kumaa isai-isai nopo lolobi kopio PATI,” ka disio soira minanahak boboroson id Ababayan Pangantaban Kasalaan Miampai Mogigion Taman Sri Apas Batu 8 Jalan Apas, hiti.

Karait ababayan dilo, ka di Awang Besar, kaanu ilo popogirot piromutan om potilombus monguhup popoingkawas piuhupan di lobi osonong id pialatan puru kikuasa om mogigion.

“Mokianu tokou kuma tulun ginumuan do manahak kointalangan soira haro aantakan kasalaan, sabab okurian tokou do anggota. Miampai ponguhupan dilo, kaanu tokou maganu laang di osikap om kiwaya,” ka disio. – Dii Masani Sandan / SayangSabah

Komen


Berita Berkaitan