Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Poruntukan RM85.4 riong montok monginsonong 17 rabas id Sabah

rosnah-600x360

PAPAR – Komontirian Karaja Tagayo (JKR) minongintutun soginumu 17 rabas talun-alun ih notuhan id piro-piro kinoyonon id pogun diti montok insanangan miampai kos pikikiro RM85.4 riong.
Ahal dilo pinoboros di Kumoduo Montiri komontirian dilo, Datuk Rosnah Abdul Rashid Shirlin.
Ka disio, nokolulus noh poruntukan om karaja monginsonong rabas talun-alun dilo kotimpuun id timpu oruhai.
Tumanud disio kopoindalanan do projik dilo kapaampai nogi ponginsanangan 15 rabas poompus ralan Kota Kinabalu-Penampang-Tambunan-Tenom kosuang duo poh kawagu ralan Kota Kinabalu-Kudat.
“Laang dilo montok mogintong kopio toinsanan rabas ih nointutunan aanu wonsoion osisikap montok kosuulon momoguno talun alun id ralan dilo,” ka disio.
Minoboros isido miagal dilo kumaa maganu habar kalapas ababayan Maulidur Rasul id Kampung Kawang, hiti di baino.
Tumanud di Rosnah, haro tolu projik mamaso poindalan, ilo nopo nga ralan Sandakan-Lahad Datu-Tawau miampai poruntukan soginumu RM19 riong.
Ka disio apat projik di miagal kakal papanahon do babaino diti, poompus ralan Kota Kinabalu -Penampang-Tambunan-Tenom miampai kos soginumu RM26 riong.
Minoboros nogi isido do ponginsanangan walu rabas id ralan Kota Kinabalu-Tamparuli-Ranau-Telupid, tolu mantad dilo nopongoh noh om apat po kawagu kakal poindalan om iso po pikikiro potimpuunon id timpu oruhai. – Dii Aryan De Vera / SayangSabah

Komen


Berita Berkaitan