Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porojik Wi-Fi Komuniti monguhup mogigion maganu Internet: Salleh

ssalleh
KUALA LUMPUR: Porojik Wi-Fi Komuniti (WK) pinosodia porinta id kinoyonon labus kakadaian kituduan monguhup do rayat maganu Internet miampai kolektif om sotampat, ka di Montiri Piromutan om Multimedia Datuk Seri Dr Salleh Said Keruak.

Minoboros isido do komudahan WK nopo nga inisiatif kikowowoyoon daamot om okon ko potimporon daamot magandad kotundaan infrastruktur ih papaanu haro Internet poimponu.

“Porojik diti tingkodon soira haro Internet id tampat dilo aanu do mogigion.

“Iti kirati, soira korikot id iso timpu, sokiro kipandapat tokou kinoyonon dilo haro nodii komudahan internet, om iti (WK) amu nodii potilombuson,” ka disio.

Minoboros isido miagal dilo soira minomogulung pason Yang di-Pertuan Agong id pitimungan walai Rakyat do hiti di baino.

Ka disio, gisom baino soginumu 3,209 WK tiningkod om 3,148 WK kakal haro id poimpuli pogun.

Soginumu 1,761 poh kawagu id tindalanon kopotimpuunan. Porojik WK pogulu diti nointutunan sabaagi Kampung Tanpa Wayar 1Malaysia, pinotimpuun di toun 2011 kituduan posodia Wi-Fi kumaa mogigion id labus kakadaian. – BERNAMA

Komen


Berita Berkaitan