Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Porojik PPA1M Kinarut pinotimpuun

ppaim

KOTA KINABALU: Boyoon Monunurat Pogun Tan Sri Dr Ali Hamsa minopotimpuun Porojik Pomuwalaian Kukumaraja Porinta 1Malaysia (PPA1M) Puncak Gloxinia Kinarut Selatan kapaampai pamansaian 1,296 tinan do walai.

Ka disio, rikoton nopo porojik diti nga montok poposodia walai kikualiti kumaa kukumaraja porinta lolobi kopio ih kipandapatan monikid tulan id siriba RM10,000.

“Porojik diti montok monguhup do rayat lolobi kukumaraja porinta komulakan om kipandapatan osuhatan do mananganu walai kikualiti id kinoyonon dit strategik miampai gatang di kikopotutan om lobi osiriba mantad gatang id pasaran,” ka disio.

Minoboros isido miagal dilo soira minopotimpuun porojik PPA1M om ababayan manain pibatasan id tanga PR1MA, Kotinanan Kotundaan Pomuwalaian om Kakadaian (LPPB) om nogi kumponi Visa Land Sdn Bhd, do hiti.

Daamot dilo, ka di Ali soira rinuba maganu habar kalapas ababayan dilo minoboros do porojik dilo mangan wonsoio id tana sinanganu LPPB soginayo 6.68 hektar om pamaju nopo porijik diti nga Landmark Property Sdn Bhd.

“Walai PPA1M kiginayo 1,000 kaki persegi padagangon kumaa kukumaraja porinta miampai gatang mimpuun RM227,000 iso walai om porojik diti pikikiro opongo id timpu 36 tulan,” ka disio.

Ka disio, gisom baino, 648 walai kapaampai tolu mantad onom bolok apartmen ih pikikiro mangan wonsoio id Kinarut nobuking noh. – BERNAMA

Komen


Berita Berkaitan